Порше спроведува своја студија за емисии

Фокусот е ставен на можното намалување на емисиите од бензинските мотори. Германскиот производител на автомобили Порше, дел од групацијата Фолксваген, од јуни спроведува внатрешна истрага, фокусирана на можни манипулации за намалување на емисиите од возилата на бензин.

Порше веќе го извести германското обвинителство, германската Федерална автомобилска управа (KBA) и американските власти за можна манипулација со уреди и софтвер на бензинските мотори на своите автомобили. Германските медиуми јавуваат дека станува збор за мотори произведени меѓу 2008 и 2013 година, инсталирани во моделите Panamera и 911. Порше призна дека некои проблеми биле откриени при внатрешна истрага, но не соопштија детали, само истакнаа дека проблемот во моментов не е присутен кај автомобилите произведени.дистрибуирани од.

Пред неколку години, Porsche, како и многу други производители на автомобили, се најде во центарот на таканаречената дизел истрага. Минатата година германските власти ја казнија компанијата со 535 милиони евра. Сега не зборуваме за дизел мотори, туку за бензински мотори.