Лоши критики за свиткан телефон

Новиот паметен телефон Samsung Galaxy Fold со преклопен и расклопен екран се расипува по неколку дена, објавија новинарите кои го тестираа уредот.

Некои рецензенти, како Марк Гурман од Блумберг, наидоа на проблеми откако случајно го отстранија заштитниот слој од екранот. Излегува дека Samsung сака оваа фолија да остане недопрена, бидејќи не е само облогот што корисниците го знаат од пакувањето. Гурман напиша дека неговата копија на Galaxy Fold „беше целосно скршена и неупотреблива по два дена користење“.

Другите тестери не ја отстранија фолијата, но набрзо се појавија проблеми и оштетувања. Новинар на CNBC објави дека неговиот уред постојано трепери чудно. Но, имаше и такви кои не пријавија никакви проблеми со камерата.

Новиот модел требаше да се појави во продажба на крајот на април, но во мај Samsung ја одложи пазарната премиера и најави „ажурирана верзија“.